In verbandj mit de vastelaovesdaag is op 20 februari a.s. gein väörlaeze in de Bieb. De ieësvolgendje kieër Limburgs väörlaeze zal zeen op de dördje maondig in mieërt.
’t Väörlaeze in ‘t plat is ein aanvölling en variatie op ’t väörlaeze in ’t Nederlands det in de Bieb op edere ieëste maondig van de maondj is óm 16.00 oer. Limburgs väörlaeze weurtj gedaon door ’n vriewilligster van Veldeke Ech en doertj ’n half uurke. Kènjer van 4 tót 7 jaor zeen den van herte welkom óm te kómme loestere. Soms höbbe de väörlaezers van Veldeke dao nog ’n kluuerplaat bie.
’t Väörlaeze op de 1e (Nederlands) en 3e (Limburgs) maondig in de Bieb gebäörtj in ’t kader van de ‘Boekenschatkist’, ’n projek laesbevordering en taalóntwikkeling. Want laeze is belangriek en väörlaeze aan jóng kènjer is de ieëste stap. De Bokesjatkis in de Laeswinkel/Bieb aan de Bovenste Straat 11 geitj op beide maondigge aope van 16.00 tót 16.30 oer. Aojers, of groataojers die mit kómme, kènne mit loestere, mer eventueel ouch intösse röstig zelf ’n book oetkeze. Kómme loestere is gratis.
