Declamatiewedstried bie VKE
De door de wirkgroep geselecteerdje gedichte zeen dit jaor, behalve in ’t gebroekelike book, ouch digitaal aan de sjoale besjikbaar gestèldj. D’r zeen weer twieë väörbeeldjgedichte väör eder categorie bie: de groepe 1, 2, 3 en 4, groep 5 en 6, en groep 7 en 8 van de basissjoal. En natuurlik moge kènjer weer ’n eige gedich keze of sjrieve, eventueel mit hulp van (groat-)aojers. Die gedichte mótte waal aan dezelfdje criteria voldoon es de väörbeeldjgedichte wat betruf lèngdje er thema.
Tót 2 april kènne de kènjer väör deilname aan de wedstried aangemeldj waere, Det kan via ’n formeleer op sjoal of eventueel rechstreeks bie Veldeke (info@veldekekrinkech.nl) es m’n neet ’n basissjoal in Ech-Zöstere bezeuktj of es hun sjoal eventueel dit jaor neet mitduitj. De door de sjoale geselekteerdje kènjer kónne deilnumme aan de regiofinales: in Zóstere (väör Zöstere en de Nuujsjtadt) op zóndigmörge 6 april, of in Pej (väör de regio Ech) op zóndigmiddig 13 april.
Verder informatie bie de coördinator cultuur van de eige sjoal of rechstreeks bie de coördinator van Veldeke Krink Ech, Ruud Roumen, tel. 06 55 08 13 11. VKE haoptj det – wie eerder jaore – weer väöl kènjer zólle mitdoon.
