Al gerume tied zeen op de basissjoale in Ech-Zöstere de materiale besjikbaar wodoor kènjer kènne mitdoon aan de jaorlikse declamatiewedstried. Op de meiste sjoale zeen de kènjer al aan de slaag, al den neet get op waeg gehólpe door de lieëraar, door aojers of groataojers.
Dit jaor kènne väör ‘r ieës ouch kènjer oet de groepe 1 en 2 van de basissjoal mitdoon. Veldeke Limburg haet daotoe beslaote; dees kènjer doon mit in de categorie 1,2,3 en 4.
Kènjer oet Ech-Zöstere die op ’n anger sjoal zitte en toch gaer mit wille doon kènne zich rechstreeks aanmelje bie info@veldekekrinkech.nl.
De regionale finales zeen dit jaor in Pej, op zóndigmiddig 14 april, vanaaf 13.30 oer in de Pejjerhaof. Zöstere volgtj op zóndigmörge 21 april, óm 10.00 oer in de Hermeniezaal.
De wènnaars in eder categorie kènne nao de provinciale finale. Die zal zeen op zaoterdig 25 mei in de Hanehof in Gelaen.
Mieë wete? Kiek den bie Activiteite > declamatie