Bie zien jubileum es nar van C.V. “De Aester” haetj oos lid Jan Housmans mit enige steun van oze kantj ’n greumelmetje/laesplenkske oetgebrach en versprèdj ónger vastelaovesvrunj. ’t Restant haetj hae aangebaoje aan VKE; die zeen vanaaf de jaorvergadering te koup aan 1 euro per stök. De oetveuring is op stevig, glaad en aafvaegbaar pepier. Dus dökker es èns te broeke. Bestèlle en aafhaole kan op Oleanderstraot 2; väör de zekerheid väöraaf aeve belle: 0475 482149 en contant aafraekene estebleef. Ouch de al op de jaorvergadering bestèldje greumelmetjes zeen dao aaf te haole.
