Op woonsdig 18 oktoaber kènne de leje van VKE weer èns nao ’n Limburgstalige film gaon in de Royal Servicebioscoop in Ech. Ouch deze kieër ’n film die in ’t Limburgs gespraoke weurtj en die ’n herkènbaar Limburgs gegaeve es óngerwerp haetj.
Deze filmaovendj zeentj g’r väöraaf weer vanaaf 18.00 oer welkom in de foyer, wo ederein den van kóffie of thieë en ’n stök vlaai kan genete. De koste daovan zeen bie de pries van 8 euro väör deze aovendj inbegrepe. Ouch väör ‘ne introducee, es g’r dem eventueel zoetj wille oetnuuedige óm mit te gaon. De filmzaal geitj óm 18.45 oer aope en de film begintj óm 19.00 oer. Nao aafloup kan m’n nao wèns nog gezellig get naopraote in de foyer.
De film dreugtj es titel “de Bewakers van Bemelen” en geitj d’r äöver wie in ’n klein gemeinsjap wie ’t dörpke Bemelen in Zuid-Limburg door de inzèt van bewoners ‘t (verenigings)laeve ziene gank kan blieve gaon taege de achtergróndj van groate maatsjappelike verangeringe wie óntkirkeliking, de individualisering en aafbrokkelendje sociale zekerhede. De film van regisseur Hans Heijnen is ouch gemaaktj es ieërbetoan aan de ènkel jaore geleje gestórve “Ingel van Bemelen”, Pierre Pittie.
W’r haope mit “de Bewakers van Bemelen” ’n gooj keuze gemaaktj te höbbe.
Bezeuke kan allein mer door väöraaf – tót uterlik 10 oktoaber – 8 euro p.p. äöver te make op ’t raekeningnummer van Veldeke Krink Ech NL 65 RABO 0138 6319 64, mit vermeljing van eur lidnummer (kiek achterop Veldeke Bekèt, baove de naam). Es g’r betaaldj höbtj verwachte weer uch den zónger taegeberich op 18 oktoaber vanaaf 18.00 oer.
