De jaorlikse viering van de “Daag van de Modertaal” op 22 februari a.s. zal dit jaor plaats vènje door ‘n rechstreekse oetzending van ‘t L1-programma “Plat eweg” mit Henk Hover. Die oetzending van 13.00 tot 16.00 oer zal plaats vènje vanoet ‘t geboew “de Weerstand” in Remunj, wo Veldeke Limburg en het “Hoes veur de taal” noe al ’n paar maondj óngerdaak höbbe gevónje. De Veldekekringe zeen oetgenuuedigdj daobie aanwezig te zeen. D’r is vrieje toegank en parkeerplaatse zeen d’r genóg aan de Bredeweg.
De versjillendje Veldekekringen is ouch gevraogdj ’n biedrage te levere aan ’t programma van dae middig. Vanoet Veldeke Krink Ech zólle det zeen de zenger/leedjessjriever Josh Mosa en de samestèllers van de podcast “Podkwatsj”, ouch aafkomstig oet dees streek. Zie kriege deze middig in ‘t programma de gelaegeheid zich te prissentere. Aafhankelik van wieväöl kringe oeteindelik mit zólle door, weurtj dit ‘ne middig wo-op de Limburgse taal – oos Modertaal – centraal zal staon mit ‘n variatie aan artieste en dialecte. Belangstèllendje leje van VKE zeen dus van herte welkom deze middig, mer dene waal op eige gelaegeheid hun bezeuk te regele.
’t Gebouw “de Weerstand” (vreuger Philips in Remunj) is vanaaf de stasie ouch te voot te bereike in óngevieër 15 menute of mit de bösliene794 en 101 die in de buurt stoppe.
