Cursus “Laeze en sjrieve in ’t Limburgs”

Begin december van 2016 is de cursus begósj mit 14 deilnummers oet Ech-Zöstere en ómstreke. Allemaol höbbe ze in de ieëste les op verzeuk van cursusleider Piet Aben aangegaeve woróm ze noe aan de cursus ginge beginne. Oet die persuuenlike standjpuntje koom nao väöre, det bienao ederein al lang, soms jaore, van plan woor get mieë mit zien taal te gaon doon. Mer geine tied….. Neet gek det de meiste noe mit pensioen zeen! Mer d’r zeen ouch oetzunjeringe, jóng minse mit interesse väör ’t good sjrieve van oos taal. De nog resterendje lesse zeen op 5, 12 en 19 januari 2017, op dónderdigaovendj in de Patriciussjoal in Pej, van 20.30-22.30 oer, zoa is in äöverlèk aafgespraoke. Daonao maaktj ederein zien of häör “meisterstök” d.w.z. ’n teks (gedich of verhaol) in dialek, wo-in m’n lieët zeen det m’n ’t good spelle ónger de kneen haet.

Éndj februari weurtj de cursus officieel aafgesloate op ‘ne gezellige aovendj mit cursiste, femielie of vrunj. Daobie waere den ouch de certificate oetgedeildj es teike det m’n de cursus mit succes haet gevolgdj.

Geef een antwoord

Het e-mailadres wordt niet gepubliceerd.