In deze tied, wo-in activiteite van vereniginge neet door kènne gaon, wille de leje en anger belangstèllendje toch op de huuegte blieve van waat speeltj. Bie de Veldeke Krink Ech kan det op versjillendje menere. ’t Meis oetgebreidj door oos kwartaalblaad “Veldeke Bekèt”, det noe aan ziene 14e jaorgank is begósj. Gebroekelik mit aankondiginge, verslage en foto’s betreffendje de activiteite, die nog kómme of die gewaes zeen. In verbandj mit de coronamaotregele veel waat det betruftj neet väöl te melje. Toch haetj ’t bestuur de oetgave van ’t blaad doorgezatj, gevöldj mit anger berichte, die ’t laeze waerd zeen. ’t Veldeke Bekèt kèntj g’r ouch inzeen op deze website ónger de kop “Nuuts”.
De website www.veldekekrinkech.nl is trouwes ‘ne angere waeg óm äöver van alles van Veldeke aan de weet te kómme of aan digitale activiteite mit te doon.
