Ouch in de kómmendje maondje mieërt en april zólle de geplandje activiteite van Veldeke neet kènne doorgaon. Det beteikentj det de jaorvergadering opgesjaove weurtj nao later. Mieë hie äöver is te laeze in ’t kómmendje nummer van Veldeke Bekèt. Väör ’t Echter Dictee haetj de Wèrkgroep ED ’n digitale versie óntwikkeldj. Det beteikentj det de leefhöbbers toch aan hun trèkke kènne kómme. Wie det geitj, is te vènje op dees website.
De declamatiewedstried väör de jeug van de basissjoale kan väör ’t twieëdje jaor ouch neet doorgaon. De Wèrkgroep Declamatie zeuktj nao ’n anger idee óm dees kènjer mit ’t dialek te laote bezig zeen.
De literaire aovendj mit gedichte van Toos Schoenmakers-Vissers en Riky Simons-Julicher, ómliesj mit meziek en zang door Willeke Simons op 14 april, weurtj ouch opgesjaove nao later.
Äöver de activiteite in mei, juni en juli zal later ’n besloet genómme waere.
