Kortgeleje, op de prinsereceptie van CV de Aester haet oze väörzitter ‘ne Veldeke-aanpakker oetgereiktj aan Jan Housmans, dae 33 jaor nar van dees carnavalsvereniging is, mer teves ouch bie VKE emes dae altied klaor stuitj óm de henj oet de moewe te staeke, bieväörbeeldj bie ’t klaor zètte en nao aafloup weer oprume van de zaal.
Oppe jaorvergadering is vervolges ‘ne “aanpakker” oetgereiktj aan ’n anger actief lid van oze krink: Ton Jetten. Ton is kertrèkker van de Wirkgroep Echter Dictee, samestèller van PP-prissentaties bie sommige activiteite en noe ouch al ’n paar kieër väörlaezer in de bibliotheek.
