’t Jaorliks oetstepke mit de bös geitj dit jaor nao de Zuidlimburgse plaatse Eijsden en Margraten. W’r höbbe ’n sjoan programma väör dae daag. In ’t lèst versjene nummer van oos Veldeke Bekèt kèntj g’r dao mieë äöver laeze. Leje treffe dao-in ouch ’t breefke óm zich op te gaeve. Det kan nog tót 1 juli. ’t Oetstepke zal zeen op vriedig 8 juli a.s.
Óm 09.00 oer vertrèk vanaaf de Nuuj Mert in Ech. Es w’r in Eijsden aankómme is d’r kóffie mit vlaai in ein van de lokale van ‘t Familiemuseum in ’t Ursulinenconvent, det w’r aansloetendj zólle bezeuke. Daonao gaon w’r nao ’t awd centrum van Eijsden väör de lunch in restaurant “Aon ’t Bat”. Ein consumptie is inbegrepe in oze pries.
Óm 14.00 oer gaon w’r mit de bös nao de Amerikaanse begraafplaats Margraten. Op dit ènnige Amerikaans kirkhaof in Nederland ligke ruum 8.000 militaire begrave. Weer kriege op de begraafplaats ‘n róndleijing in groepe. Óm effe nao veer vertrèkke w’r dao weer richting Gulpen.
Es de tied ’t toelieëtj, make w’r dao nog ‘ne korte stop bie ’n monument/fontein dae de Echtenieër Joop Utens jaore geleje dao haetj gemaaktj: ’n waterpertie mit ‘ne kwekkert en ’n paar vèsse. Det water struimtj tót in ’t centrum. Dao bezeuke w’r de Herberg De Zwarte Ruiter. W’r kènne genete van ‘n drenske mit get kleins in ein van de aoj sfeervolle verblieve van d’n herberg. Daonao stappe w’r in de bös óm zoaget 18.30 oer weer in Ech te zeen.
De koste väör dit oetstepke zeen: leje € 52,50; neet-leje/introducees (tot de bös vol is): € 57,50. Geneumdje consumpties, de lunch, entrees en gidse zeen in de pries inbegrepe.
