Vanaaf maondig 21 februari a.s. kómme minse van Veldeke edere 3e maondaag van de maondj ’n half uurke väörlaeze in de Laeswinkel/bibliotheek aan de Bäövestestraot in Ech. Det väörlaeze is bedoeldj väör kènjer van 3 tót óngevieër 6 jaor en doertj van 15.30 tót 16 oer. Aanmelje hoof neet; gewuuen kómme. Aojers of groataojers kónne mitkómme, mit loestere, ’n baekerke kóffie drènke of óngertösse zelf ’n book oetzeuke. De vriewillige väörlaezers zólle ederskieër ’n sjoan verhäölke oetzeuke en väörlaeze, get d’rbie vertèlle en soms ’n teikening d’rbie laote make. Net wie de Bieb det op edere 1e maondigmiddig duitj mit ’n Nederlandstalig verhaol. Väörlaeze is good väör de taalóntwikkeling van kènjer.
Dit väörlaesproject zoe al in november jl. begósj zeen, mer door de coronaregels is ’t van maondj tót maondj opgesjaove. Noe liektj de tied dao óm alsnog dit op te pakke.
