’n Aantal jaore geleje is ’t book “Vastelaovesmonumente in Limburg – van Mook toet Eijsde” oetgebrach. Samestèllers zeen Leon Hamans en Hans Simons. ’n Sjoan documentair werk, det de naam waor maaktj: van praktisch alle Limburgse plaatse, groat of klein, zeen foto’s te zeen van monumente die mit de vastelaovendj te make höbbe. Daobie ’n ómsjrieving van waat oetgebeeldj weurtj en oetlèk äöver de naam van de vastelaovesvereniginge oet die plaats.
Natuurlik kómme dao ouch plaatse bönne ’t gebied van oze krink in väör. Weer höbbe de samestèllers gevraogdj mit name dao äöver te kómme vertèlle op de ieëste Veldeke-aovendj van ’t kómmendje jaor. Det zeen den oet Ech-Zöstere de Foetelieërs oet de Nuujsjtadt, de Graasbörgers oet Zöstere, de Papegaaje van de Boesj, Aesters en Aesters Sjaelen Uul oet Ech en Pej, de Lollige Buk oet Deetere en de Bokkeriejers oet Sint Joas. Verder oet Maasgouw de Noatevraeters van de Laak en Ónger ’t viaduct oet Brachterbaek.
De laezing zal ómliesj zeen mit foto’s van de beeldje en mit informatie äöver de vastelaovesvereniginge. Good óm in de sfeer van de kómmendje vastelaovesdaag te kómme, Vastelaovesmonuménte in de Krink Ech op woonsdig 21 januari óm 20.00 oer in ’t Patronaat te Sint Joas, dus neet wie gebroekelik in MfC ”Pejjerhaof”. Parkere kan taegenäöver de kèrk.
