Väörig jaor december woor ‘t 50 jaor geleje det de lèste kaolemien in Limburg – de Oranje Nassau I in Haerle – toe ging. De aafsloeting van ’ne lange en gedènkwaardige tied! Waat toch waal jaomer is, is det nog mer min zichbare en openbare herinneringe bestaon aan dit verleje. Bie herdènkinge kömtj gelökkig waal weer ein en anger nao väöre. De gooj mer ouch de minder gooj kantje d’rvan. Want laot ós ieërlik zeen: ’t wèrke in de mein woor ouch neet alles.
Bie de eerdere herdènking van oos mienverleje in 2015 is ’n sjoan film gemaaktj, die väöral nostagische geveules opreuptj. Die video-film mit de naam “de koempelrevue” kömtj Victor Hennen oet de Nuujstjadt ós laote zeen.
Óm de sfeer hieëlemaol kompleet te make is ’t gelöktj óm Henk Steijvers, bekèndj van de zanggroep Carboon, same mit Thijs van Thoor bereid en besjikbaar te vènje óm dao aafwisselendj de passendje meziek bie te laote huuere. Weer haope det dit weer ‘ne geslaagdje aovendj zal zeen en nuuedige van herte oet dao bie te zeen: op woonsdig 15 januari 2025 óm 20.00 oer in de Pejjerhaof.
