’t Väörlaeze in de Bibliotheek väör jóng kènjer van 3-6 jaor geitj nao de zomervekansie verder. De väörlaezers höbbe d’r weer zin in, óndanks ’t feit det bie de lèste evaluatie ’n paar probleme zeen gesignaleerdj en bespraoke. Zoa es ’t wisselendje aantal aanwezige kènjer, soms 8-9 (det is ’n leuk gruupke) soms mer 1. ’n Vas gruupke van 3-4 is d’r meistal. Jaomer genóg witj m’n det neet van teväöre. In de väörbereiding weurtj väöl tied gestaoke. Väöraaf aanmelje hoof neet persé, mer det moog natuurlik waal via info@veldekekrinkech.nl De väörlaezendje vriewilliger haet den ’n idee van ’n aantal te verwachte kènjer en de laeftied. Belangriek is det te merke is det de kènjer die kómme ’t fein vènje.
Mesjien is dees activiteit van VKE is nog stieëds get te min bekèndj, óndanks de aankondiging in ’t Waekblaad, via de sjoale, facebook en op de website; verder vertèlle is welkom! Haopelik op 16 september weer ’n gezellig gruupke bie-ein. Van 16.00 tót 16.30 oer aan de Bovenstestraat 11 in Ech.
