In ‘ne good gevöldje en gezellige “Hanenhof” in Gelaen höbbe de 9 wènnieërs van de eerder gehaoje regiofinales van Veldeke Krink Ech in Pej en in Zöstere op aafgeloupe zaoterdigmiddig 25 mei, mitgedaon aan de Limburgse finale van deze declamatiewedstried, georganiseerdj door Veldeke Limburg.
Äöver de rissultate daovan moge w’r tevreje zeen! Twieë kènjer oet de gemèndje Ech-Zöstere, te wete Inez Ermans van BS De Springdonk in Zöstere en Suze Golsteijn van BS Patricius oet Pej zeen op de ieëste plaats in hun categorie geëindigdj en zeen daodoor allebei Limburgs Kampioen! Inez in de categorie 5-6 en Suze in de categorie 7-8.
Daonaeve wore de volgendje kènjer ouch good väör ’n podiumplaats: Teun Wolters van BS Angela oet Ech op de twieëdje plaats in de categorie 1-2-3-4 , en Julia van Rossum en Fenna Bijsman, allebei van BS In’t Park in Zöstere op respectievelik de 2e en 3e plaats in de categorie 7-8.
Daomit höbbe de 8 finaliste oet Ech en Zöstere mit mer leefs 5 wènnieërs, wovan 2 Limburgs Kampioene in de 3 laeftiedscategorieë, de Gemèndje Ech-Zöstere, de vereniging Veldeke Krink Ech en ouch de basissjoale in Ech en Zöstere good oppe kaart gezatj.
De oetslaag per categorie woor:
Groep 1-2-3-4:
1. Limburgs Declamatie Kampioen Luus Janssen;
2. Teun Wolters | BS Angela Echt | Gedicht: “Miene druim”;
3. Djemke Schouwenberg.
Groep 5-6:
1. Limburgs Declamatie Kampioen Inez Ermans | Groep 6 BS De Springdonk Susteren | Gedicht: “Miene pap”.
2. Jamie Ogier;
3. Eliza Derijk.
Groep 7-8:
1. Limburgs Declamatie Kampioen Suze Golsteijn | BS Patricius Pey-Echt | Gedicht: “Eine knóp”;
2. Julia van Rossum | Groep 7 BS In’t Park Susteren | Gedicht: “Mien eige taoltje”;
3. Fenna Bijsmans | Groep 7 BS In’t Park Susteren | Gedicht: “Ich bön lekker sjtout”.
Veldeke Krink Ech danktj ederein dae aan deze declamatiewedstried haet mitgedaon vanaaf de sjoalfinales en vanaaf de ieëste kieër. Zoa begintj ’n kampioensjap! Ouch dank aan al diegene die höbbe mitgewèrktj óm de wedstried mäögelik te make: aojers, groataojers, lieërkrachte en coördinatore en de leje van de Wirkgroep Declamatie. Dankzij eur hulp en aandach in schoal höbbe mieë es hónderd kènjer hun talent in declamere en actere in het dialect kènne laote zeen.
Groep 5-6: Limburgs Declamatie Kampioen Inez Ermans
Groep 7-8: Limburgs Declamatie Kampioen Suze Golsteijn
