De jaorvergadering (Algemein Leje Vergadering) weurtj gehaoje op woonsdig 6 mieërt a.s. in de Pejjerhaof. Ónger ’t genot van ’n teske kóffie en ’n stökske vlaaj gaon w’r trök kieke op ‘t verenigingsjaor 2023 mit al zien aktiviteite.
De statutair verplichte óngerdeile zulle, zoa-es gebroekelik, es ieëste behanjeldj waere:
1) ’t jaorverslaag, geprissenteerdj mit foto’s. Vas te stèlle door de leje.
2) ’t financieel verslaag en ’t verslaag van de kascontrolecommissie. Ouch vas te stèlle.
3) beneuming en/of herbeneuming van bestuursleje. Piet Aben en Theo Bougie zeen aaftraejendj. Piet is weer herkeesbaar. Theo haet kènbaar gemaaktj zich neet mieë herkeesbaar te stèlle es bestuurslid. Van hem numme w’r aafsjeid nao väöle jaore verdeenstelik werk väör VKE.
Nao de pauze zal d’r ’n korte kwis zeen väör leefhöbbers. Numtj eure mobiele telefoon hieväör mit estebleef. Verder toelichting op ’t jaorprogramma en informatie oet ’t Limburgs bestuur. Alleszins de meujte waerd óm deze aovendj te kómme.
