Väör belangstèllendje leje en introducees organiseertj VKE op vriedig 16 november a.s. es extra activiteit – boete ’t jaorprogramma – ’n bezeuk aan ’t Flachsmuseum en ’t Volkstrachtemuseum in Wegberg. Tót begin december is namelik nog ’n bezunjer collectie “Schmuck” c.q. sierrade, te bewònjere, passendj bie de klederdrachte en aafkomstig oet ’n privé-collectie. Bezunjer de meujte waerd en daonao neet mieë te zeen. Daoróm dus ’n tössetieds ingevoegdje aktiviteit.
W’r bezeuke allebei de musea: ’t Volkstrachtenmuseum en ’t Flachsmuseum. De Heimatverein Wegberg –Beeck beheerjt die musea.
“Flasbeek”, het huidige Wegberg-Beeck, woor vreuger ’t centrum van de vlasbouw. Vlas woor belangriek väör de linne-industie, väör aolie en väör medicinaal gebroek en vlas is noe nog belangriek in de huidige technologie.
’t Trachtenmuseum bezitj ’n oetgebrèdje collectie kleijerdrachten van alle Europese volke. Dao zeen dus noe tijdelik die sierade, väörnamelik in zilver, aan toegevoegdj.
W’r kriege ’n róndjleiding in twieë groepe van 15-20 persoane. Tösse de 2 bezeuke in weurtj gezörgdj väör “kaffee und kuchen” (inbegrepe in de pries).
Ómdet w’r neet zoaväöl deinummers verwachte det ’n bös kan waere ingezatj, is beslaote de reis te make in eige auto’s door middel van carpoole. Weer stèlle väör det mit-riejers aan de chauffeur 3,50 euro p.p. betale.
Leefs höbbe w’r det g’r zelf al aafspraoke maaktj wae mit waem mit kan rieje. Vertrèkke doon w’r den same vanaaf de Nuuj Mert in Ech óm 12.45 oer. W’r verwachte tösse zès oer en half 7 weer trök te zeen. Wegberg is zoaget 40 km van Ech. via Remunj nao Niederkruchten of via Heinsberg – Wasseberg. De musea ligke in Wegberg-Beeck, kort bie de kèrk. Dao is ouch plaats óm te parkere (gratis).
Aanmelje väör dees excursie kan op de bekèndje meneer: door äövermake van 14 euro p.p.( väör entree + kóffie/kuche) op de raekening van Veldeke Krink Ech: NL 65 RABO 0138 6319 64, mit vermelding van naam en lidmaatsjapsnummer (kiek achter op ’t Veldeke Bekèt), uterlik 1 november.
Väör informatie belle of maile mit bestuurslid Yvonne Smeets: 0475 572006, (atysmeets@home.nl)
