Bie de Limburgse Finale van de Veldeke Declamatiewedstried op zaoterdigmiddig 26 mei in Panningen zeen dit jaor weer 2 deilnummers oet de Krink Ech op de 1e plaats geëindigdj en daomit Limburgs Kampioen. Det zeen Lieke Delissen oet Ech in de categorie groep 7-8 mit ’t gedich “Ein appje teväöl”, gemaaktj door Lieke en zien mam, en Evena Kraanen oet Zöstere in de categorie groep 5-6 mit ’t gedich “Oos Limburgs ’n waereldtaal” gesjreve door ziene pap.
In totaal höbbe 28 kènjer oet versjillende kringe aan de Limburgse finale mitgedaon, wovan 9 oet de Krink Ech-Zöstere. Alle kènjer – al wènnieër bie de finales in Zöstere en in Pej – höbbe ’t geweldig good gedaon. De twieë kampioene zeen de kees oppe taart!
Foto’s: Hans Simons