Kómmendje woonsdig, 9 mei, organiseertj Veldeke Krink Ech same mit ’t Zörgcentrum Vastrada de jaorlikse väördrachte-middig. Daobie kómme kènjer, die bie de declamatiefinales in Zöstere en in Pej ‘n 1e, 2e of 3e plaats höbbe behaoldj, hun gedichte nog èns väördrage. In väörgaonde jaore woor det ‘ne sjoane middig, zoawaal väör de bewoners van ’t zörgcentrum, es väör de kènjer en väör anger belangstèllende die hiebie ouch welkóm zeen.
De kènjer die in eder categorie de 1e plaats hawwe, gaon op 26 mei nog nao de Limburgse finale in Panningen. Det zeen d’r 6, wovan 3 oet Ech e.o. en 3 oet groat Zöstere. De middig in Vastrada begintj óm 14.30 oer.
