Songerskop

’n Stökske cultuurhistorie van Echt-Susteren is vasgelag in ‘n nuuj korte film. Op 19 oktoaber a.s. zal in de Royal Servicebioscoop in Ech de film “Songerskop” in première gaon. Det betruf ’n korte film, gebaseerdj op de sage van Juffrouw zónger Kop, samegestèldj en geproduceerdj door Limax Film Productions. ’t Bekèndje verhaol is väör de film door Martijn Daamen ómgesjreve nao ’n hedendaags verhaol. Regisseur Ron Roumen haet de film gerealiseerdj mit ’n aantal aankómmendje filmtalente oet de ómgaeving. De film weurtj gespraoke in ’t Limburgs en óngertiteldj in ’t Nederlands. ’t Oetbrènge van de film is mäögelik gewore door o.a. biedrage van de Provincie Limburg, de gemèndje Echt-Susteren en ’n fóndsinzameling bie zake, instèllinge en particuliere. Veldeke Krink Ech haef o.a. ’n biedrage kènne levere door ’t vertale van de tekste. Nao de beslaote première op zaoterdig 19 oktoaber zal de film op zóndig 20 oktoaber väör pebliek toegankelik zeen.

 

Geef een antwoord

Het e-mailadres wordt niet gepubliceerd.