Veld(j)eke Bekèt, ’t kwartaalblaad van de Veldeke Krink Ech begintj volgendj jaor aan ziene 10e jaorgank. ’t Blaad haet in die periode ’n dudelijke functie bie de krink gekrege: de activiteite van de kómmendje maondje waere aangekondigdj en mit verslage en foto’s weurtj trök gekeke op de activiteite die net gewaes zeen. Daonaeve staon in het blaad gedichte en verhaole, gesjreve door leje of dialeksjrievers.
’t Oetgaeve en verspreije van zo’n blaad kosj geldj. Vanaaf ’t begin haet de Krink daobie kènne raekene op ’n paar troew sponsors, wodoor de drökkoste in eder geval te hantere wore. Koste numme aevel toe en mit name ’t versture weurtj stieëds duurder. De meiste blaedjes waere waal al bezörgdj door ’n aantal actieve leje, mer Veldeke kènj ouch vrie väöl leje die neet in de plaats zelf wone. Die blaedjes waere p’r pos gestuurdj.
Daoróm zeen w’r blie mit weer ’n twieëtal nuuj sponsors. Naeve Peusen oetvaartzörg, is det noe Mulders Advocaten en New Wave engeneering. Dank op de ieëste plaats aan die bedrieve. Veldeke zoe gaer zeen es nog ’n paar sponsors zich zoewe melje óm de krink door middel van ’n advertentie te steune en de oetgave van ’t Veldeke Bekèt mäögelik te make. Belangstèllendje en/of tipgaevers kènne belle mit de väörzitter 0475 482149.
