Oetslaag Declamatiewedstried 2021
Bienao alle inzendingen van de declamatiewedstried van het jaor 2021 zeen te bekieke via de website. Ze zeen te vènje ónder de knóp “Declamatie” in de balk hie baove.
Dit jaor zoe väör de twieëdje kieër geine declamatiewedstried gehaoje waere. Althans de Limburgse finale waerdje in ’t väörjaor al aafgezag door Veldeke Limburg, ómdet zoaväöl luuj es gevolg van de corona-maotregele neet in ‘ne zaal bie-ein zoewe moge kómme. Ouch de contacte mit de sjoale – belangrieke partners bie ’t organisere – wore door corona neet verantwaordj te doon.
Es alternatief haet Veldeke Krink Ech de jeug van de basissjoale de mäögelikheid gebaoje hun väördrach in te sture door middel van ’n geluidsopname of ’n filmke. Dae stap bleek väör väöl kènjer toch te väöl gevraogdj, want väöl inzendinge kome neet bönne, zeker in ’t begin neet. De lèste waeke bleek d’r inèns toch belangstèlling te zeen en moogdje de jury toch versjillendje opnames beoordele. Door de beperkdje deilname woor aevel gein beoordeiling van de versjillendje laeftiedscategorieë te doon; beslaote is aan alle deilnummers plaatsing oppe website en ‘ne pries in de vórm van ’n beukske aan te beje, mit dank väör ’t mitdoon en es aanspaoring óm ’t volgendj jaor weer mit te doon aan de den haopelik weer te organiseren gewuuene declamatiewedstried. Ouch dank van Veldeke aan de aojers, die oppe achtergróndj of in de techniek hun mitwèrking höbbe gegaeve.
Deilnummers 2021
Groep 3
Saar Sanders – Gedicht Aap (allein geluid)
Groep 4
Juul Ophelders – Gedicht Ieske
Groep 5
Mila Jansen – Gedicht Ich wil allein nog
Jip Thissen – Gedicht 2 blaffendje giraffe
Groep 6
Fleur Driessen – Gedicht Treuzelvötje (allein geluid)
Isa op ’t Veld – Gedicht Wiebelvötje
