Dees waek weer ’n verhaolendj gedich: “’t Praothoes” geitj äöver ’t benkske det in Staeveswaert naeve ’t kenón stuitj. Bie ’t vreugere “Vaerhoes”, ’n sjoan variatie dao-op dus. Op det benkske weurtj mich get aaf gekaldj, wie op zoaväöl benkskes. Mer sommige zeen toch ’n ech trefpuntj.
Zoalang geer d’r nao wiltj loestere, kan Veldeke Krink Ech doorgaon mit dit “verhaole project”. ’n Óngerbraeking van d’n daag es m’n get väöl thoes mót zitte, of gewuuen óm tössedoor effe nao ’n verhaol in oos Limburgse taal te loestere. Wie altied huuere w’r ouch noe weer gaer waat g’r hie van vèntj. Eventuele suggesties estebleef doorgaeve op oos adres info@veldekekrinkech.nl en nuuj verhaole zeen ouch nog altied welkom.
Dit verhaol is weer te beloestere door op de balk ónger dees inleiding ’t drieheukske aanklikke. Väöl loesterplezeer!