“‘t Leimtremke”

’t Gedich waat Marjo Jaski-Verheesen noe väörleusj, is gesjreve door Echtenieër Pierre Feller, dae in zien laeve väöl gedichte haet gesjreve. Meis äöver de ómgaeving en speciaal de natuur. ’t Leimtremke woor allebei: ’t hóbbeldje haer en trök tösse de pannefebriek de Valk en de koele in de Daort. Róndj de restante van de Valk is kómmendje tied weer van alles te doon. Strakkes zal w’rsjienlik neet väöl mieë herinnere aan die belangrieke industrie, wo Ech gruuets op kós zeen. W’r wachte mer aaf of “de nuje Valk” det ouch zal zeen.

Zoa lang w’r äöver verhaole kènne besjikke, plaatse w’r in ’t vervolg nog zoaget edere maondj ’n nuuj verhaol óm nao te loestere. Nuuj verhaole blieve nog stieëds welkom en kan m’n sture nao info@veldekekrinkech.nl Bie twiefel of ’n verhaol gesjiktj is, of mit anger vraoge kan m’n belle mit 0475 482149. En verder bliftj ’t nog stieëds: op de balk ónger dees inleiding ’t drieheukske aanklikke en de vertèlling begintj. Väöl loesterplezeer!

“’t Leimtremke” väörgelaeze door Marjo Jaski-Verheesen
Download verhaol

Reageren is niet mogelijk