’t Verhaol van vendaag is weer ’n verhaol oet de streekgesjiedenis, opgeteikendj door pestoar Ad Welters en door A. Laugs gebroektj in zien “Echte in sagen, legenden en verhalen”. ’t Verhaol aan de oorspróng van de Kepel van Sjaelberg kènne väöl minse nog waal, mer stieëds mieë ouch neet. Daoróm det verhaol hie nog ‘ns nuuj laeve ingeblaoze: 8 september is de datum van “lès Levrouw”, ’t lèste Mariafieës van ’t kirkelik jaor.
Marjo Jaski-Verheesen haet ’t ingespraoke. Zoa lang w’r äöver verhaole kènne besjikke, plaatse w’r eder 2 waeke ’n nuuj verhaol, óm nao te loestere. Nuuj verhaole blieve nog stieëds welkom. Eur verhaol kèntj g’r insture nao info@veldekekrinkech.nl. Bie twiefel of ’n verhaol gesjiktj is, of mit anger vraoge kan m’n belle mit 0475 482149. En verder bliftj ’t nog stieëds: op de balk ónger dees inleiding ’t drieheukske aanklikke en de vertèlling begintj. Väöl loesterplezeer!
“Maria van Sjaelberg” väörgelaeze door Marjo Jaski-Verheesen