Weer ‘n verhaol van Annie Schreuders-Derks, door h’mzelf väörgelaeze. Waem zoe gedach höbbe det zo’n verhaol in plaats van dankbaar herinnering ouch weer actualiteit zoe waere? Good óm te beseffe det de gesjiedenis löptj wie ’t löptj. Haopelik kènne ze in Oekraïne ouch nog èns trök kieke op dae tied.
Bie de meiste minse is Annie bekèndj ómdet zie jaorelank de leidendje krach woor bie ‘t Museum van de Vrouw. Of van zien eige buro “Nostalgie” betreffendje volkscultuur en van de 4 beuk die same de almanak “de ganse Santekraom” vórme. Of van zien väördrachte en verhaole: herkènbaar en mit ‘ne óngertoan die dich blie maaktj.
Dit verhaol is weer te beloestere door op de balk ónger dees inleiding ’t drieheukske aanklikke. Väöl loesterplezeer!