’t Verhaol van dees waek is precies ’t vieftigste in dit project op de Veldekesite. Bienao ’n jaor geleje zeen w’r hiemit begós, wie w’r verplichtj thoes móste blieve. Gelökkig wore d’r verhaolesjrievers, die ’n verhaol besjikbaar wólle stèlle. En Marjo Jaski-Verheesen haet de meiste daovan ingespraoke. ‘ne Sjriever wovan w’r al eerder verhaole geplaatsj höbbe is Jo Dullens. Oet zien beukske “Nostalgeintjes” kiktj hae mit ‘ne glimlach trök op ’t laeve in Deetere van vieftig of mieë jaor geleje. De verhaole in ’t book zeen gesjreve in ’t Nederlands. Ton van Wegberg, van Veldeke Krink Ech haetj ’n paar d’rvan ómgezatj in ’t dialect.
Weer haope det de loesterverhaole nog stieëds mithelpe óm de tied van get mieë thoes zitte op ’n gooj meneer door te kómme. En natuurlik haope w’r det g’r dao plezeer aan belaeftj. Óm nog ‘ne tied te kènne doorgaon höbbe w’r nuuj verhaole nuuedig. Zótj g’r ouch ’n verhaol höbbe waat angere zoe kènne interessere, stuur ’t den nao info@veldekekrinkech.nl.
Dit verhaol is weer te beloestere door op de balk ónger dees inleiding ’t drieheukske aan te klikke. Väöl loesterplezeer!
“Good gemeind” (väörgelaeze door Marjo Jaski-Verheesen)