Dit verhaol kömtj weer oet ’t book “Kiek kènjer, zoa woor het vreuger”, det door Netje Heythuysen-van Leuven in 1990 is oetgegaeve. De kènjer höbbe det book aangebaoje óm d’r väör dit project verhaole oet te haole. Netje sjreef in ’t Nederlands, mer Piet Aben haet ’t ómgezatj in ’t Echs. Marjo Jaski-Verheesen haet ’t weer väör uch ingespraoke.
Nujaorsbreve waere zoa aaf en toe nog waal èns gesjreve, mer es algemein gebroek is ’t d’r neet mieë. Mesjien good óm èns te beloestere wie det gebroek verleep.
Ouch in 2022 wille w’r in oos “Loesterverhaole Project” mit regelmaot ’n nuuj verhaol aanbeje. Det kan zoa lang es w’r regelmaotig nuuj verhaole bönne kriege. Aarzel dus neet es g’r ouch ’n gesjiktj verhaol höbtj gesjreve of witj det emes anges det haet gedaon. Get insture of ós tippe kan mit ’n berichske aan info@veldekekrinkech.nl