Op dónderdig 24 mieërt a.s. zal in ’t Cultuurhoes aan de Plats ‘ne aovendj gehaoje waere ónger de titel “Lekker loestere”. Det loestere betruftj den ’t loestere nao dialectverhaole, die life waere väörgelaeze door Marjo Jaski-Verheesen, en nao leedjes, die waere gezónge door ’t vocaal ensemble Amami oet St. Joas. De aovendj begintj óm half 8.
In de periode det de tentoanstèlling “Gruuets” plaats vuntj in ’t Cultuurhoes, waere ouch ènkele passendje activiteite gehaoje. De tentoanstèlling en activiteite waere georganiseerdj door ’t Museum van de Vrouw, same mit de anger vaste gebroekers van ’t Cultuurhoes.
Deze aovendj kan eventueel ouch ’n bezeuk gebrach waere aan de tentoanstèlling. ’n Paar rondleiders van ’t museum zeen aanwezig óm eventueel achtergróndjinformatie te gaeve. De entree väör deze aovendj is 5 euro p.p., wobie kóffie of thieë zeen inbegrepe. Leje van Veldeke Krink Ech, die gebroek make van de eerder gratis verstrekdje kaertjes, betale mer 2 euro.
Waat ’t programma van deze aovendj betruftj:
Marjo Jaski haet tót zien 23e in Ech gewoondj en kömptj dao nog altied gaer trök. Zie is lid van Veldeke en väöl bezig mit taal en cultuur. Het behaoje van de Limburgse taal is ’n belangriek aandachtspuntj. Väör de Veldekekrink haef zie al zo’n 70 verhaole in dialect ingespraoke, die ederein oppe website van VKE kan beloestere.
Vocaal ensemble “Amami” oet St. Joas bestuitj sinds 2018. Ze zènge regelmaotig en bie versjillendje gelaegenheje. Ouch Limburgstalige leedjes. Het ensemble stuitj ónger leiding van Veronika Peerboom-Chujanova.
