Insjrieve väör deilname aan ‘t 4e Echter Dictee kan nog.
Hiebie ’n herinnering aan oos veerdje Echter Dictee op zóndig 30 mieërt vanaaf 13.30 oer in de Stadszaal van ’t Cultuurhoes aan de Plats. Opgaeve óm mit te doon kan nog en de Wirkgroep ED zal det erg op pries stèlle, want ’t dictee weurtj allein mer spannendjer, mer ouch gezelliger es minse mitdoon. Gaontj daoväör noe nao de website van Veldekek krink Ech en melj uch aan via de link dae dao-op stuitj. Keesj zelf wie g’r mit wiltj doon: aan de wedstried (jury bekiktj ’t resultaat) of “väör spek en boane”, wobie g’r zelf bekiktj wie g’r ’t d’rvan aaf höbtj gebrachtj.
Aan deilname zeen gein koste verbónje. Door väöraaf aan te melje via de website is ederein geregistreerdj mit de juste naam; dit in verbandj mit de oorkonde die edere deilnummer nao aafloup óntvungtj.
- Laesj verder
Väörgaonde jaore wore ’t al de awd-Echtenieër voetbaltrainer Sef Vergoossen en prissentator Henk Hover, bekèndj van L1 en ónger angere Averegs, Echter Revue etc. die ‘t dictee samegestèldj höbbe. Dit jaor höbbe w’r die ieër gegundj aan docente en sjriefster Laura Theunissen van de Slek. Laura zal dae middig zien dictee presentere. Daonao weurtj ‘t gedicteerdj door Piet Aben. Väöraaf zal Eddy Zeelen, de wènnieër van väörig jaor, ziene wisseltroffee kómme ómrule väör de begeerdje glazere Echter krakeling. En waem moog dem den vervolges dit jaor mit nao hoes numme?
Toch neet mitdoon? M’n kan ouch gewuuen kómme kieke nao deze sportieve stried óm te kieke wie ’t stuitj mit ’t sjrieve van oos eige taal.
QR-CODE ED25
De LINK nao ’t ED25