De jaorvergadering van Veldeke Krink Ech weurtj gehaoje in de Pejjerhaof, Houtstraot 7 in Pej, op woonsdig 12 mieërt 2025 óm 20.00 oer. Geer waertj hertelik óntvange mit kóffie en vlaaj.
’t Programma bestuitj oet twieë deile. In ’t deil väör de pauze kieke w’r trök op ’n verenigingsjaor mit väöl activiteite. Wie de lèste jaore gebroekelik, verzörge Geert Janssen en Magna Bedaf dit mit ’n sjoan foto-prissentatie, óngersteundj door ’n ingespraoke verslaag. Ouch volge de puntje, die statutair verplichtj zeen, wie ’t financieel verslaag, mit toelichting door de penningmeister Jeanne Vaessen. De kascontrole-commissie brungtj verslaag oet van hun bevènjinge, bie ’t doornumme van de stökke en daonao kömptj de beneuming van ’n nuuj lid väör de commissie aan de orde.
Den volgtj de beneuming van de nuuj bestuursleje. Volges ’t ruuester van aaftraeje zeen Yvonne Smeets en Magna Bedaf aan de bäört óm aaf te traeje; ze zeen allebei herkeesbaar. Anke Heythuysen-Corstjens haet aangegaeve neet langer bestuurslid te kènne zeen. Daodoor is d’r ’n vacature in ’t bestuur; bie interesse, laotj ’t väöraaf wete. Väörkeur haet emes mit interesse in taal-activiteite en/of de PR van de krink.
Nao de verkezing van de bestuursleje is ’t tied väör de pauze. Waat ’t programma nao de pauze is, blif ouch dit jaor weer ’n verrassing!
De jaorvergadering van VKE is toegankelik väör leje en weurtj gehaoje in de Pejjerhaof, Houtstraot 7 in Pej, op woonsdig 12 mieërt 2025 óm 20.00 oer.
