Bie zien jubileum es nar van C.V. “De Aester” in 2024 haetj oos lid Jan Housmans mit enige steun van oze kantj ’n greumelmetje / laesplenkske oetgebrach en versprèdj ónger vastelaovesvrunj. ’t Restant haetj hae aangebaoje aan VKE; daovan zeen nog get eksemplare te koup aan 1 euro per stök.
Die te gebroeke kan ‘ne good begin van de vastelaovestied zeen.
De oetveuring is op stevig, glaad en aafvaegbaar pepier. Dus dökker es èns te broeke. Bestèlle en aafhaole kan bie Oleanderstraot 2 of Spreeuwstraot 3; väör de zekerheid väöraaf aeve belle: 0475 482149 of 06 8199 5685, den ligke ze klaor óm aaf te haole en contant aafraekene estebleef.
