Wènnieërs Declamatie Finale Echt e.o.

In ’t aafgeloupe weekend haet in Pej de ieëste regio-finale plaatgevónje van de Veldeke Declamatiewedstried 2017. Det woor ’n drökke, gezellige bie-einkóms mit  enthousiaste deilnummers en väöl supporters. Dao zeen de wènnieërs väör de regio Ech oet gekómme:

Väör de groep 3 en 4 van de basissjoal wore det:
1) Nils Knoben  (BS Patricius Pej) mit ’t gedich: “M’n mót kónne zwiege!”
2) Noa op de Kamp (BS Maria Goretti Sint Joas) mit ’t gedich: “18 smake!”
3) Tess Linssen (BS de Violier Ech) mit ’t gedich: “M’n mót kónne zwiege!”

Groep 5-6:
1) Lieke Delissen (BS Angela Ech) mit ’t gedich: “De juf van groep 7!”
2) Nina Slakhorst (OBS De Horst Ech) ’t gedich: mit “Hekse!”
3) Kiki Gust (BS de Violier Ech) mit ’t gedich: “Pietje Kletsmajoor!”

Groep 7-8:
1) Isa Meuwissen (BS Patricius Pej) mit ’t gedich: “Formule Max!”
2) Jop Mörs (BS de Violier Ech) mit ’t gedich: “Waat ein gehaspel!”
3) Meike Mooren (BS Patricius Pej) mit ’t gedich: “Mit dank aan de merci’s!”

In totaal waore d’r 28 väördrachte, verdeildj äöver 6 basissjoale oet groat Ech.

De nummers ‘1’ zeen väör dit jaor de Kampioene van Groat Ech en die moge op 20 mei a.s. oze Krink  vertegenwoordige oppe Limburgse Kampioensjappe in Panninge. Veldeke Krink Ech danktj  alle deilnummendje kènjer, ouch bie de sjoalfinales en raekentj volgendj jaor weer op hun deilname.

De regiofinale väör de basissjoale in Zöstere, Roostere en De Nuujstadt weurtj gehaoje op goonsdig 19 april óm 13.00 oer in de Hermeniezaal aan de Feurthstraot in Zöstere. De jónges en maedjes die dao mit doon, wènse w’r vas väöl succes!

Geef een antwoord

Het e-mailadres wordt niet gepubliceerd.