De wènnieërs oet “groat Zöstere”
De twieëdje regiofinale in Zöstere van de Veldeke declamatiewedstried 2023 is ouch ‘ne good geslaagdje mörge gewore. Mit väöl aojers, groataojers, lieërkrachte, klasgenootjes en angere “aanhang”, die nao de Hermeniezaal wore gekómme óm ’t mit te make en de deilnummers te óngersteune.
Al mit al wore det dit jaor 26 deilnummers van de 3 basissjoale. In de volle zaal woor ‘ne drökke en gezellige, mer ouch spannendje sfeer. De kènjer die op hun eige sjoal door de selectie wore gekómme, kóste zich noe maete mit kènjer van de anger basissjoale van “groat Zöstere”. Presentator Jos Douven vóng ze allemaol op mit ’n kort präötje. Daonao mós ‘t gebäöre! De väör te drage gedichte zote d’r good in en waerdje mit enthoesiasme gebrach. Aan de driekoppige jury woor de taak te bepaole waem zien gekaoze gedich ’t bèste haw väörgedrage.
Det leverdje de volgendje oetslaag op:
Categorie groepe 3 en 4:
- Kampioen van Zöstere: Wouter Jans | BS In ’t Park | Gedich: “Voetbal”. *
- Cloë Winkelmolen | OBS de Springdonk | Gedich: “Logere”.
- Kyara Stevens | BS In ’t Park | Gedich: “Pietje Kletsmajoor”.
Categorie groepe 5 en 6:
- Kampioen van Zöstere: Inez Ermans | OBS de Springdonk | Gedich: “Oet aete”.
- Fenna Beysmans | BS In ’t Park | Gedich: “Oet aete”.
- Sophie Rours, |OBS de Springdonk | Gedich: “Opa is de waeg kwiet”. *
Categorie groepe 7 en 8:
- Kampioen van Zöstere: Bram Swiatalski | OBS de Springdonk | Gedich: “Ich kèn vlege”.
- Finn Claessen | BS In ’t Park | Gedich: “Nae…nae…nae”.
- Lara van Eck | BS In ’t Park | Gedich: “Nae…nae…nae”.
* Zelf gemaaktj gedich.
Alle anger deilnummers krege väör hun dik verdeendje 4e plaats ’n sjoan oorkonde. Ouch zie kome oppe foto. (kiek hie-ónger; foto’s Geert Janssen)
Deilnummers groep 3 en 4
Deilnummers groep 5 en 6
Deilnummers groep 7 en 8