Vanaaf 10 januari zal weer ‘ne cursus Limburgs es twieëde taal (Lt2) gegaeve waere in ’t Cultuurhoes “Edith Stein” aan de Plats in Ech. Bie deze cursus liktj de naodrök op loestere en spraeke en is óntwikkeldj väör volwassene, die nog amper Limburgs spraeke, mer det waal get baeter zoewe wille kènne, vanwaege werk, femielie en vrunj of angeszins.
Aafgeloupe naojaor is ouch al ‘ne groep gewaes, die mit väöl succes de cursus höbbe gevolgdj. De lesmethode maaktj gebroek van speciaal väör deze cursus gemaakdje audio- en video-opnames en is verwaeve mit achtergróndjinformatie, cultuur, historie, meziek, beeldjmateriaal, enz. Ouch deze cursus weurtj in groepsverbandj gegaeve door ervare docente en bestuitj oet 8 lesse. Die waere waekeliks (mit oetzunjering van de väörjaorsvekansie) gegaeve op woonsdigaoavendj van 19.30-22.00 oer. De koste zeen 175 euro, inclusief lesmateriaal.
Väör verder informatie en aanmeljing kan m’n ‘ne email sture nao: marjo.jaski@icloud.com De docente en organisatie van “Leef Limburgs” kieke d’r nao oet same mit uch Limburgs te kalle.
