De sjoonste leedjes van de väörig jaor november op 82 jaorige laeftied gestórve Canadese bard en waereldster, mer den vrie hertaaldj in ‘t het Limburgs dialect. Det beje w’r es Krink in ’t kader van oos jubileum. Dit programma ónger de titel “Cohen geit Plat” weurtj gebrachtj door vief muzikante oet alle deile van de provincie.
Vief minse (2 conservatorium, 3 gedreve door passie väör de meziek) die alle hun spaore höbbe verdeendj in de Limburgse meziekwaereld en die zoawaal solo es in diverse bands actief zeen:
Ron-Maria Buitenhuis (Roermond) – zang/gitaar
Renee Steenvoorden (Maastricht) – zang/viool
Peter Wijnhoven (Reuver) – zang/piano/accordeon
Lisanne van Geleuken (Heythuysen) – zang/gitaar
Rien Kolkman (Venlo) – (contra)bas
Op het programma staon waal 18 in ‘t Limburgs dialect vertaaldje songs van Cohen, wie Suzanne, Halleluja, enz. Det weurtj ‘ne sjoane, speciale aovendj. Op vriedig 2 juni, 20.00 oer in de Pejjerhaof (zaal aope vanaaf 19.30 oer). Väör belangstèllendje helaas: ’t aantal besjikbaar plaatse is noe al oetverkoch.
