Zóndig 2 februari ’n optraeje van “Alles Geit Plat” in Stadskefee Stadhoes te Ech. Óm 16:00 oer en es aafsloeting van ’t äöpeningswaekènj van de nuje zaal. Naeve Paul van Loo en Ivo Rosbeek zólle ’n aantal muzikante van ’t collectief, kómmendj oet de ganse provincie, aansloete en sjoan, leef en verrassendje leedjes laote huuere.
Väör waem ’t neet witj: “Alles Geit Plat” is ’n meziekcollectief van óngevieër 15 Limburgse singer songwriters en muzikante, die bestaondje songs van zengers wie Bob Dylan, Bruce Springsteen, The Roling Stones, Neil Young, John Hiatt en angere vertale in hun eige dialect. Ze brènge in wisselendje samestèlling ’n gevarieerdj muzikaal spektakel in óngedwónge sfeer.
Laesj verder:
De “Alles Geit Platters”: Rene Bijlmakers -zang, gitaar; Paul van Loo – zang; Ivo Rosbeek – zang, toetsen, gitaar; Ton Engels – zang, gitaar; Kristy Hollands – percussie; Janneke Meessen – zang; Maartje Meessen – zang, gitaar, dwarsfluit; Winand Bijlmakers – zang, gita(a)r(en); Bart Bijlmakers – zang, bas; Paula Paashuis – viool; G.R. Harrison (Ruud Gijsen) – zang, gita(a)r(en); Joep Coenjaerts -zang, gitaar; Danny Vanhoudt – zang, gitaar.
Waem daovan nao Ech kömtj, wete w’r noe nog neet. Entree is vrie en väör ederein.
