De väörbereidinge wore in gang gezatj väör de twieëdje editie van ’t Echter Dictee en toen koom ’n lang door corona bepaoldje periode, wodoor ’n dictee in ‘ne zaal neet mäögelik woor. Ouch dit jaor zeen de beperkendje maotregele te laat vervalle óm nog ’n groat 2e Echter dictee te kènne organisere. VKE plaatsj dit vas op ’t programma van 2023, net wie de aan ’t dictee väöraafgaondje “Flitscursus” betreffendje de spellingsregels.
Väör de echte leefhöbbers van deze spellingwedstried haet Veldeke Krink Ech aevel väörig jaor ’n aantal dictees digitaal aangebaoje. Die staon op de website en kónne eventueel nog altied gemaaktj waere.
