De väörzitter van Veldeke Limburg, Reg van Loo, haetj via de kringbesture alle leje oetgenuuedigdj väör ’t jubileumfieës det op 23 mei 2026 in verbandj mit ’t hónderdjaorig bestaon plaats vundj in het Toon Hermans Theater te Sittard.
‘t Officiële program begintj óm 10.30 oer en zal eindige róndj 17.00 oer. ’t Begintj mit kóffie en vlaai bie de óntvangst. Ouch is d’r ‘n lunch inclusief muzikaal intermezzo. Nao aafloup is tót 18.00 oer de gelaegenheid väör ‘ne gezèllige (netwerk)borrel. M’n hoof neet persé de ganse daag dao te zeen, maar aanmelje väör de tied det m’n wiltj kómme, is waal winselik i.v.m. de organisatie.
Waat geer kènt verwachte
Het programma bestuitj oet 2 deile:
- De toekóms van de Limburgse taal in eine mörge (10.30 – 12.30 uur)
In ‘t ochtendjprogramma numme 4 Limburgse taalkénners uch mit in hun specifieke vakgebied en de daobie behuuerendje kiek op de Limburgse taal. Aansloetendj zal ónger leiding van prissentator Henk Hover ’n discussie plaatsvénje.
- Hoagtepuntje van 100 jaor Limburgse gesjiedenis in eine middig (14.00 – 17.00 uur)
In het middigprogramma maaktj m’n same mit bekéndje (en minder bekéndje) Limburgse artiesten ‘n speelse, muzikale en humoristische reis langs 100 jaor Limburgse gesjiedenis.
Het belaoftj dus ‘ne sjoane én lieërzame daag te waere wo-in väöl väörbie kömtj van alle sjoans wo-aan oos taal en de provincie riek is. Numtj plaats in ‘ne roaje pluche stool en geneet!
Aanmelje
Gaer väör 1 mei via dit insjriefformeleer. G’r kèntj d’r daobie ouch väör keze óm allein ’t mörge- of middigprogram bie te wone. D’r zeen uiteraard gein köste verbónje aan eur insjrieving.
Het Provinciaal Bestuur Veldeke Limburg verheugtj zich op eur kómst!
