Op 22 oktoaber höbbe w’r weer ’ne sjoane aovendj väör uch geplandj. Reserveer dae datum mer óm te kómme kieke wie die Fuchsia’s d’rop staon! Zie zólle in de Pejjerhaof ‘ne sjoan, kluuerriek en humoristisch optraeje verzörge.
Ze spele twieë vriegezelle dames die op zeuk zeen nao eine man. Det doon zie aan de handj van ‘n aantal leedjes die ze playbacke en mit väöl interactie mit ’t publiek. Daobie waere zie gehólpe door eine neet zónne snuggere technicus. ’t Optraeje doertj óngevieër twieë kieër 45 minute.
De Fuchsia’s make natuurlik gebroek van eur enthousiasme en humor! ’t Belaoftj ’ne aovendj vol plezeer te waere. Woonsdig 22 oktoaber a.s. óm 20.00 oer in de Pejjerhaof, Houtstraot 7. Väör leje gratis; neet leje betale 3 euro entree p.p. Det liektj ós terech, want leje betale hun jaorlikse contributie.
Nog gein lid van Veldeke? G’r kèntj natuurlik ouch lid waere of dao èns nao informere.
