Op maondig, 19 mei a.s. is weer väörlaeze väör jóng kènjer in de Bieb. Ein van de vriewilligers van Veldeke Krink Ech zal den weer ’n sjoan verhaol prissentere väör kènjer van 3 t/m 6 jaor, die ónger begeleiding van ‘ne aojer of groataojer kómme loestere. Regelmaotig väörlaeze – ouch in ’t Limburgs – is good en vènje de meiste kènjer fijn. Wie gebroekelik van 16.00 tót 16.30 oer in de bibliotheek aan de Bovenstestraat 11 in Ech. Gruupke groat of klein, det maaktj neet oet, weer doon oos bès. Mitdoon is gratis.
Bekèndj maag zeen det ’t väörlaeze aan jónger kènjer de taalóntwikkeling stimuleertj. Ouch es det in oos modertaal is. Aojers of groataojers van de kènjer zeen ouch van herte welkom. Kómme loestere is gratis en m’n hoof neet lid te zeen van de bibliotheek of van Veldeke. Väöraaf aanmelje is neet persé nuuedig, mer kan väör de vriewilliger van dae middig waal henjig zeen óm te kènne insjatte wieväöl kènjer hae of zie kan verwachte en van welke laeftied ze zeen. De aandach kan in die laeftiedscategorie namelik nog al versjillendj zeen. Gaeftj det den door aan www.veldekekkrinkech.nl