Good väörnumme
Bie de gooj väörnummes väör 2025 zoe – väör de bezeukers van dees site die tót noe toe allein op dees meneer hun belangstèlling väör Veldeke Krink Ech en de Limburgse taal laote blieke – ouch ’n lidmaatsjap van oze Krink in äöverweging genómme moge waere. Det kosj uch 30 euro väör ’n gans jaor, inclusief maondjeliks ’n activiteit en 4 x ’t Veldeke Bekèt mit informatie en foto’s.
’n Insjriefformeleer vèntj g’r op dees site ónger de knóp: Äöver VKE > lidmaatsjap
Verder laeze:
De vlag van Veldeke nao Krink Ech
Op de in oktoaber gehaoje jaorlikse Kringekontakdaag van de besture van de versjillendje Veldeke-kringe – dit jaor in Steyl, georganiseerdj door de Veldeke Krink Venlo – is door de väörzitter van Veldeke Limburg de vlag äövergedrage aan oze väörzitter Jos Wackers. Want Veldeke Ech is in 2025 aan de bäört óm deze daag väör de kringbesture te organisere en in te völle mit ’n cultureel programma, det de bezeukers oet de ganse provincie teves ‘ne indrök zal gaeve van ’t gebied en de activiteite van de krink. ‘ne Kleine wèrkgroep oet ‘t bestuur is daomit al bezig. De vlag zótj g’r dit jaor mesjien nog waal dökker zeen.
