Vriewilligers van VKE gaon weer väörlaeze op maondig 19 februari in de bibliotheek aan de Bovenstestraot 11 in Ech.
Vanaaf 16.00 oer zeen peuters en kleuters tösse 3 en 6 jaor van herte welkom óm te kómme loestere nao ’n verhaol. Ze loestere vol aandach en bekieke de sjoan plaetjes in de beuk. Soms höbbe de väörlaezers van Veldeke dao nog ’n kluuerplaat of knutselwerkske bie.
’t Väörlaeze op de 1e woonsdig van de maondj óm 14.00 oer (Nederlands) en de 3e maondig óm 16.00 oer in de Bieb (Limburgs) gebäörtj in ’t kader van de ‘Boekenschatkist’, ’n projek laesbevordering en taalóntwikkeling. Want laeze is belangriek en väörlaeze aan jóng kènjer is de ieëste stap. De Bokesjatkis in de Bieb geitj op beide daag aope en is gratis toegankelik. Aojers, of groataojers die mit kómme, kènne mit loestere, mer eventueel ouch intösse röstig zelf ’n book oetkeze.
