Vriewilligers van VKE gaon weer väörlaeze op maondig 15 januari in de bibliotheek / laeswinkel aan de Bovenstestraot 11 in Ech.
Vanaaf 16.00 oer zeen kènjer van 4 tót 7 jaor van herte welkom óm te kómme loestere nao ’n verhaol. Ze loestere vol aandach en bekieke de sjoan plaetjes in de beuk. Soms höbbe de väörlaezers van Veldeke dao nog ’n kluuerplaat of knutselwerkske bie.
’t Väörlaeze op de 1e (Nederlands) en 3e (Limburgs) maondig in de Bieb gebäörtj in ’t kader van de ‘Boekenschatkist’, ’n projek laesbevordering en taalóntwikkeling. Want laeze is belangriek en väörlaeze aan jóng kènjer is de ieëste stap. De Bokesjatkis in de Laeswinkel / Bieb geitj op beide maondigge aope van 16.00 tót 16.30 oer. Aojers, of groataojers die mit kómme, kènne mit loestere, mer eventueel ouch intösse röstig zelf ’n book oetkeze. Kómme loestere is gratis.
