Es antjwaord op de vraog “wie mót se det sjrieve?” is ’n paar jaor geleje de zoagenaamdje “flitscursus” óntstange. Cursusleider Piet Aben geitj in dae cursus van eine aovendj van zoaget 2-2½ oer, mit vaart door de ganse stof van de Veldekespelling. Alle spellingsaafspraoke kómme aeve aan bod en verder kriege de deilnummers aanwiezinge wie en wo bie twiefel verder te zeuke.
In 2019 ging de flitscursus väöraaf aan ’t ieëste Echter Dictee. In de jaore daonao woor ’n life-dictee neet mäögelik door corona. Dit jaor zal det weer waal ’t geval zeen. Mesjien kan dae cursus ’n opstepke zeen.
Mer deilname aan de flitscursus verplichtj neet tót deilname aan ’t dictee. De aafspraoke mit betrèkking tót de spelling van ‘t Limburgs en mit name ’t toepasse in oos Echter dialek is interessant väör ederein dae waal èns get in ’t plat wiltj sjrieve.
Aanmelje kan nog. Gebroektj daoväör de QR-code of de link en völ ’t aanmeldjformeleer in. Betale kan op de aovendj zelf.
Väör minse die geine QR-scanner op hunne tillefoon höbbe, kènne ouch hie klikke óm nao de pagina väör aanmeljing te gaon!
