In de wekelikse rubriek “Waem kèntj ze nog?” in ’t Waekblaad vraoge Piet Aben en Ton van Wegberg aandach väör Limburgse wäörd die bès nog regelmaotiger gebroektj zoewe kènne waere, mer wo min of mieë óngemerktj ’t Nederlandse waord väör in de plaats liektj te zeen gekómme.
Té gemekkelik zègke w’r krant inplaats van gezèt of sinaasappel wo appelsien toch ouch ’n sjoan streekgebónje waord is? En ham in de plaats van sjónk, sjènk of sjink bie de slechter.
Dees waeke is d’r gein Waekblaad i.v.m. vekansie. Daoróm hie ’n paar wäörd die waal get dökker nog gebroektj zoewe moge waere:
Doe huuers hieël dök
Op vandaag höbbe w’r ’t mer drök.
Weer deje alles op oos gemaak
Allewiel is det ’n slechte zaak.
Det zeen duur zake
Neet zoamer kepot make.
Det móste weer neet probere
Alles verannewere!
Mit ’n naoldj in de vinger gestaoke
Effe mit God gespraoke.
’t Gebäördje bie ’t nejje
Dae mós se in sodawater bejje.
Ich krieg waal èns ’n zuurtje of caramel
En zèk den netjes:”Dankjewel!”
Wo is de tied gebleve
Det weer ’n babbeltje sjreve?
Ich koom de winkel oet
Boadsjappe in ’n groate toet.
Lès koch ich mer ’n ènkel spruutje
Die passe gemekkelik in ’n klein tuutje.
