Nao de zomervakantie is de werkgroep Echter dictee weer verder gegange mit ’t samestèlle van ein maondjeliks digitaal dictee. ’t Dictee van de maondj september haef door ómstandigheje vertraoging opgeloupe, mer det kèntj g’r noe make. Ouch ’t dictee van oktoaber is al besjikbaar. De digitale dictees zeen ech neet allein bedoeldj väör de “bolleboze” in ’t plat sjrieve. Ze zeen jus bedoeldj óm de geïnteresseerdje, dao gaer in good Limburgs/Echs zoe wille kènne sjrieve, dit te laote probere en stieëds ’n bietje verder te helpe. Det kan ómdet ’t dictee automatisch weurtj naogekeke en de deilnummer allein zien/häör correctieblaad trök krigtj. Dao kan m’n zeen waat good en neet good woor en dus van lieëre. Naeve die persuuenlike trökkoppeling krig m’n maondjeliks ’n äöverzich van de deilnummers en hun rangorde: waem de minste foute haw gemaaktj stuitj baovenaan. Hie kan m’n zelf ouch ómhoag perbere te kómme. ’t Digitaal dicteen zoe m’n kènne zeen es ‘ne wedstried in ’t good lieëre sjrieve van ’t Limburgs.
Gank nao www.veldekekrinkecht.nl en klik in de baovebalk op “dictees”. Den wisj ’t zich verder vanzelf. Zoe m’n nao ’t make van ’t dictee tóch geine zin höbbe óm dit in te sture, den is m’n dao vrie in. Allein väör de correctie en trökkoppeling is ’t nuuedig ’t emailadres door te gaeve.
