Nao ‘ne maondj äöverslaon in verbandj mit Pinkstere, zal ‘ne vriewilliger van VKE kómmendje maondig 17 juni weer väörlaeze óm 16.00 oer in de bibliotheek aan de Bovenstestraot 11 in Ech.
Vanaaf 16.00 oer zeen peuters en kleuters tösse 3 en 6 jaor, same mit aojers of groataojers of anger oppassers, van herte welkom óm te kómme loestere nao ’n verhaol. Ze loestere vol aandach en bekieke de sjoan plaetjes in de beuk. Soms höbbe de väörlaezers van Veldeke dao nog ’n kluuerplaat of knutselwerkske bie.
