Zóndigmiddig 30 mieërt weurtj väör de 4e kieër ’t live ED gehaoje in de Stadszaal van ’t Cultuurhoes Edith Stein aan de Plats in Ech. Deilname stuitj in principe aope väör ederein. M’n kan op 2 menere mitdoon, mer m’n kan ouch gewuuen kómme kieke.
Väör officieel deilname kan m’n zich opgaeve via de link of QR-code ónger aan dit berich. Dit in verbandj mit de organisatie: alle deilnummers óntvange namelik ’n oorkonde en dao-op deentj de juste naam te staon. Bie ’t aanmelje kan m’n aangaeve of m’n wiltj deilnumme aan de wedstried, den kiktj ’n jury ’t dictee nao en kan men in aanmerking kómme väör de 1e, 2e of 3e plaats. Óf g’r keesj d’rväör “väör spek en boane”, waat beteikentj det g’r mit sjriftj mit ’t officiële dictee, mer det g’r det daonao zelf kèntj naokieke. Gein jury, mer natuurlik ouch geine pries. En wieväöl foute, det kèntj g’r väör uch zelf haoje. Mesjien vèltj det waal erg mit!
’t Dictee begintj óm 13.30 oer en is samegestèldj door ….. (det make w’r later nog bekèndj via ’t Veldeke Bekèt).
Of melj dich noe drek aan via:
de QR-CODE ED25 of deze LINK nao ’t ED25:
